وەزارەتی ناوەخۆی عێراق رایگەیاند 4 چەكداری رێكخراوی تیرۆریستی داعش لە نێو خێزانە ئاوارەكانی نەینەوا كە خۆیان حەشاردابوو بەرەو كەركوك دەرۆیشتن دەستگیركران .
گوتەبێژ بەناوی وەزارەتی ناوەخۆی عێراق لە بەیاننامەیەكدا روونیكردەوە كە پۆلیس بە هاوكاری بەرێوەبەرایەتی هەواڵگری و نەهێشتنی تیرۆری شاری كەركوك توانیان 4 داواكار بە تۆمەتی تیرۆر دەستگیربكەن كە سەر بە رێكخراوی تیرۆریستی داعشن .
راشیگەیاند كە ئەو دەستگیركراوانە خۆیان لە نێو خێزانە ئاوارەكانی شاری موسڵ جەشاردابوو كە بەرەو كەركوك دەرۆیشتن . دوای دەستگیركردنیشیان رێوشوێنی یاساییان بەرامبەر وەردەگیرێت .
سوهێل تاهير : كوردستان تيڤي
کۆمێنت (0)
تا ئێستا هیچ کۆمێنتێک نەکراوە.