له‌هێرشێكی چه‌كدارانی داعش بۆ سه‌ر كاروانێكی ھێزه ئه‌منییه‌كان ، گه‌وره ئه‌فسه‌رێكی پۆلیسی فیدرال و چه‌كدارێكی حه‌شدی ھۆزه‌كان كوژران.
نه‌قیب سه‌عد محه‌مه‌د ، ئه‌فسه‌ر له ئۆپه‌راسیۆنه‌كانی سه‌ڵاحه‌ددین، رایگه‌یاند: ژماره‌یه‌ك تیرۆریستی داعش ھێرشیانكردووه‌ته سه‌ر كاروانێكی ھێزه ئه‌منییه‌كان له قه‌زای به‌له‌د باشووری پارێزگای سه‌ڵاحه‌ددین.
به گوته‌ی نه‌قیب سه‌عد له ئاكامی ھێرشه‌كه‌دا، فه‌رمانده‌ی فه‌وجی سێی پۆلیسی فیدرال، رائید عه‌باس موسه‌وی له‌گه‌ڵ چه‌كدارێكی حه‌شدی ھۆزه‌كان كوژراون و پۆلیسێكی دیكه برینداربوو.
شایانی باسه به‌م دواییانه جموجۆڵی رێكخراوه‌كه له ناوچه سنوروییه‌كان له‌گه‌ڵ سووریا زیادیكردووه.
داڕشتنه‌وه‌ی هه‌واڵ / رزگار
سه‌رچاوه / ئه‌نادۆڵۆ
کۆمێنت (0)
تا ئێستا هیچ کۆمێنتێک نەکراوە.