به‌هۆى نقووم بوونی به‌له‌مێكی گه‌شتیاریی له مووسل ژماره‌یه‌كهاولاتى كه‌س گیانیان له‌ده‌ستداوه ژماره‌یه‌كى تریش بێسه‌روشوێن بوون.
له‌م باره‌ره‌وه وه‌زاره‌تی ناوخۆی عێراق بڵاویکردەوە: "له ئاكامی نقووم بوونی به‌له‌مێكی گه‌شتیاریی له نێو دوورگه‌یه‌كی گه‌شتیاریی له سه‌ر رووباری دیجله له شاری مووسڵ، 50 كه‌س خنكان و به ده‌یانی دیكه‌ش بێسه‌رشوێن بوون".
ئاشکراشیکردووە، به‌شی زۆری قوربانییه‌كانی ئه‌و رووداوه ژن ومنداڵن.
پێشتر، زوهێر ئه‌عره‌جی، قائیمقامی مووسڵ راگەیاندبووە: "به‌له‌مه‌كه زیاد له پێویست سه‌رنشنینی هه‌ڵگرتووه و ئه‌مه‌ش بووه‌ته هۆكاری نقووم بوونی".
هه‌ر له‌گه‌ڵ بڵابوونه‌وه‌ی هه‌واڵی رووداوه‌كه، تیمه‌كانی فریاگوزاریی له شاری هه‌ولێر و دهۆكه‌وه به‌ره‌و شوێنی رووداوه‌كه به‌رێكه‌وتن و دكتۆر سامان به‌رزنجی، به‌ڕێوه‌به‌ری گشتی ته‌ندرووستی هه‌ولێر رایگه‌یاند، تیمەکانی فریاکەوتن و ژمارەیەکی زۆری ئامبوڵانس بۆ بەهاناوەچوونی قوربانیانی رووداوه‌كه‌ی مووسڵ به‌ڕێكه‌وتوون و نەخۆشخانەکانی هەولێریش لە ئامادەباشیدان.
کۆمێنت (0)
تا ئێستا هیچ کۆمێنتێک نەکراوە.