سه‌رۆكی ئه‌نجوومه‌نی نوێنه‌رانی عێراق پیرۆزبایی هاتنی وەرزی بەهار و جەژنی نەورۆز له گه‌لی هه‌رێمی كوردستان ده‌كات.
محه‌مه‌د ئه‌لحه‌لبووسی، سه‌رۆكی ئه‌نجوومه‌نی نوێنه‌رانی عێراق له تویتێكدا له تۆڕی كۆمه‌ڵایه‌تی تویته‌ر به زمانی شیرینی كوردی نووسیویه‌تی لەگەڵ هاتنی وەرزی بەهار و جەژنی نەورۆز و خۆشەویستی و برایەتی پیرۆزبایی ئاراستەی گەلەكەمان لە هەرێمی كوردستان دەكەم.
هاوكات سه‌رۆكی ئه‌نجوومه‌نی نوێنه‌رانی عێراق له په‌یامی پیرۆزباییه‌كه‌یدا به‌بۆنه‌ی جه‌ژنی نه‌ورۆز نووسیوویه هوادارم جەژن و خۆشی لەعێراقێكی یەكگرتوو به‌رده‌وامبێت، و سەقامگیری دوای ئەو سەركەوتنەی كە هەموو پێكهاتەكان بەدەستیانهێنا بەسەر تیرۆریستانی داعش به‌رده‌وام بێت.
کۆمێنت (0)
تا ئێستا هیچ کۆمێنتێک نەکراوە.