جێگری سه‌رۆكی ئه‌مریكا و سه‌رۆكوه‌زیرانی عێراق له په‌یوه‌ندییه‌كی ته‌له‌فۆنیدا تاوتوێی هاوبه‌شییه ستراتیجییه‌كانی نێوان هه‌ردوو وڵاتیان كردووه.
له‌مباره‌یه‌وه كۆشكی سپی راگه‌یه‌ندراوێكی له‌باره‌ی په‌یوه‌ندییه ته‌له‌فۆنییه‌كه‌ی پێنس و عه‌بدولمه‌هدی بڵاوكرده‌وه.
له ده‌قی راگه‌یه‌ندراوه‌كه‌دا هاتووه، هه‌ردوو سه‌ركرده، تاوتوێی به‌ره‌وپێشبردنی هاوبه‌شییه ستراتیجییه‌كانی نێوان هه‌ردوو وڵاتیان كردووه، له‌وانه به‌رزكردنه‌وه‌ی ئاستی تواناكانی هێزه ئه‌منییه‌كانی عێراق و گه‌شه‌ی ئابووریی ئه‌و وڵاته.
راگه‌یه‌ندراوه‌كه ئاماژه‌ی به‌وه داوه كه پێنس باسی له رێككه‌وتنی بازرگانی نێوان عێراق و ئوردن كردووه و خۆشحاڵیی له‌وباره‌وه نیشانداوه.
راشگه‌یه‌ندراوه كه عه‌بدولمه‌هدی پێشهاته‌كانی له‌باره‌ی داعشه‌وه به پێنس راگه‌یاندووه.
ژێده‌ر/ كوردستان تیڤی
کۆمێنت (0)
تا ئێستا هیچ کۆمێنتێک نەکراوە.