بەهۆی لافاو و بەرزبوونەوەی ئاستی ئاوەوە، گەوره‌ترین کێڵگەی نەوتی عێراق ژێرئاو دەکەوێت و مەترسیی لەسەر هەناردەکردنی نەوتی ئەو کێڵگەیە دروست دەکات.
ئەمڕۆ یەکشەممە، بەهۆی بارانبارینی بەردەوامەوە لافاو لە سنووری بەسرە دروست بوو، کە بەهۆیەوە ئاوێکی زۆر چووە ناو کێڵگەی نەوتی مەجنونەوە و مەترسیی لەسەر تەواوی کێڵگەکە دروست کرد، بەرپرسانی پارێزگاکەش هۆشداریی دەدەن لە ژێرئاوکەوتنی کێڵگەکە و هەناردەکردنی زیاتر لە (400) هەزار بەرمیل نەوتی رۆژانە.
جەمال عادلی، وەزیری سەرچاوەئاوییەكانی عێراق، ئەمڕۆ سەردانی بەسرەی كرد ڕاگەیاند، لافاو و ژێر ئاوكەوتنی زەوییە كشتوكاڵییەكانی نزیك كێڵگە نەوتییەكە مەترسی لەسەر هەیە و هەربۆیە كار لەسەر كەمكردنەوەی دەكەن.
ئاماژه به‌وه ده‌كات و ده‌ڵێت: ئەگەری زیانێکی زۆری لێدەکرێت کە هاوشێوەی نەبووە لە رابردوودا، ئامانجی سەردانەكەشی بۆ گرتنەبەری رێوشوێنی پاراستنی كێڵگە نەوتییەكەیە تاوەكو زیانی نەبێت.
کۆمێنت (0)
تا ئێستا هیچ کۆمێنتێک نەکراوە.