دادگای عێراق سزای له سێداره‌دانی به‌سه‌ر 40 ئافره‌تی داعشدا سه‌پاند، ئه‌مه‌ش دوای ئه‌وه‌ی له‌كاتی دادگاییكردنیان دانیان به‌وه‌دا ناوه، كه شانبه‌شانی چه‌كدارانی داعش كاریان كردووه.
به‌گوێره‌ی زانیارییه‌كان، سه‌رجه‌می ئه‌و ئافره‌تانه‌ی سزای له‌سێداره‌دانیان بۆ بڕاوه‌ته‌وه، بیانین و هه‌ڵگری ره‌گه‌زنامه‌ی وڵاتانی جیاوازن.
ته‌واوی ئه‌و ئافره‌تانه له رێگه‌ی سنووری توركیا و سووریاوه له‌گه‌ڵ چه‌كداره بیانییه‌كانی رێكخراوی داعش هاتوونه‌ته ناو خاكی عێراق و په‌یوه‌ندییان به ریزه‌كانی ئه‌و رێكخراوه‌وه كردووه. له كاتی شه‌ڕ و رووبه‌ڕوو بوونه‌وه‌كاندا له‌لایه‌ن هێزه عێراقییه‌كانه‌وه له ناوچه جیاوازه‌كان ده‌ستگیركراون.
کۆمێنت (0)
تا ئێستا هیچ کۆمێنتێک نەکراوە.