رووداوێكی ھاتوچۆ له پارێزگای سه‌ڵاحه‌ددین باكووری عێراق روویداو به هۆیه‌وه، ٢٣ كه‌س بوونه قوربانی.
به‌ڕێوه‌به‌ری راگه‌یاندنی پۆلیسی پارێزگای سه‌ڵاحه‌ددین، عه‌قید مه‌حمه‌د جبوری له راگه‌یه‌ندراوێكدا ئاماژه‌ی به‌وه‌داوه، رووداوه‌كه له قه‌زای دۆر باشووری رۆژھه‌ڵاتی تكریت روویداوه كه به ھۆیه‌وه نۆ كه‌س گیانیان له‌ده‌ستداوه له‌نێویاندا پێنج قوتابی په‌یمانگای ته‌كنیكی پارێزگای زیقار ھه‌ن، ھه‌روه‌ھا ١٤ی دیكه‌ش برینداربوون.
عه‌قید محه‌مه‌د جبوری روونشیكرده‌وه، رووداوه‌كه به ھۆی باران بارینی به‌خوڕ كه ناوچه‌كه‌ی گرتووه‌ته‌وه له‌گه‌ڵ پابه‌ندنه‌بوونی شۆفێره‌كان به رێنمایه‌كانی ھاتوچۆ، روویداوه.
ناوبراو باسی له‌وه‌شكرد كه قوربانیانی رووداوه‌كه له لایه‌ن تیمه‌كانی فریاكه‌وتنه‌وه گواستراونه‌ته‌وه بۆ نه‌خۆشخانه‌ی گشتی تكریت.
کۆمێنت (0)
تا ئێستا هیچ کۆمێنتێک نەکراوە.