ئه‌مڕۆ پێنج شه‌ممه دانیشتووانی یه‌كێك له‌ناوچه‌كانی گه‌ڕه‌كی ئه‌لغه‌دیر له‌كه‌ربه‌لا تووشی سه‌رسوڕمان بوون، كاتێك بینیان له‌جیاتی ئاوی خواردنه‌وه نه‌وت له به‌لوعه‌ی ماڵه‌كانیان دێته‌خوارێ.
له‌مباره‌یه‌وه وێب سایتی سۆمه‌رییه نیوزی عێراق رایگه‌یاندووه: 40 ماڵی یه‌كێك له‌ناوچه‌كانی گه‌ڕه‌كی ئه‌لغه‌دیر له پارێزگای كه‌ربه‌لا، تووشی سه‌رسوڕمان بوون كاتێك بینیویانه له‌جیاتی ئاوی خواردنه‌وه، نه‌وت له به‌لوعه‌ی ماڵه‌كانیان هاتۆته خوارێ.
هه‌روه‌ها ئاماژه بۆ ئه‌مه‌ش كراوه كه دانیشتووانی ئه‌و ناوچه‌یه داوایان له‌لایه‌نه په‌یوه‌ندیداره‌كان كردووه، كێشه‌كه‌یان بۆ چاره‌سه‌ر بكه‌ن ، هه‌ڕه‌شه‌ی ئه‌وه‌شیان كردووه، ئه‌گه‌ر كێشه‌كه‌یان بۆ چاره‌سه‌ر نه‌كرێت، ئه‌وا په‌نا بۆ خۆپیشاندان ده‌به‌ن.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.