ناوه‌ندی ڕه‌هه‌ند هه‌شت کتێبی نوێ بڵاو ده‌کاته‌وه‌

بڕیاره‌ ئه‌مرۆ پێنج شه‌ممه‌ ناوه‌ندی ڕۆشنبیریی ڕه‌هه‌ند هه‌شت كتێبی نوێ بڵاو بكاته‌وه‌.

 هۆگر ئارام سدیق به‌ڕێوه‌به‌ری ناوه‌ندی ڕه‌هه‌ند ئاماژه‌ی بۆ ئه‌وه‌ كرد كه‌ ناوه‌نده‌كه‌یان ته‌نها له‌ بواری فیكر و ڕۆماندا كتێب چاپ و بڵاوده‌كاته‌وه‌ و هه‌موو ئه‌م كتێبانه‌ش له‌م دوو بواره‌دان. گوتیشی: له‌و ته‌مه‌نه‌ كه‌مه‌ی ناوه‌نده‌كه‌یاندا به‌ڵام به‌هۆی بوونی متمانه‌ی زۆری نووسه‌ران و ڕۆشنبیران ژماره‌یه‌كی زۆر كتێبیان بۆ هاتووه‌ بۆ چاپ و له‌م قۆناغی یه‌كه‌مدا ته‌نها توانیویانه‌ هه‌شت له‌و كتێبانه‌ چاپ و بڵاو بكه‌نه‌وه‌ ئه‌مانه‌ن:

1. ئۆنتۆلۆجی بنه‌ڕه‌تی و بوونی مرۆڤ/ د.محه‌مه‌د كه‌مال

2. قه‌دی بامبۆ/ سعود ئه‌لسنعوسی/ و:ڕه‌نجده‌ر جه‌بار

3. به‌بێ خوێن/ ئه‌لێساندرۆ باریكۆ/ و: ئازاد به‌رزنجی

4. وردوخاشی په‌رته‌وازه‌/ موحسین ئه‌لڕه‌ملی/ و:ڕه‌نجده‌ر جه‌بار

5. بلیتێك بۆ جه‌هه‌نه‌م/ ئارام كاكه‌ی فه‌لاح

6. سه‌رمایه‌داریی و داهاتووی ئه‌ده‌ب و هونه‌ر/ ئالان وودس/ و: پێشڕه‌و محه‌مه‌د

7. بووكه‌ڵه‌ی ئه‌وروپی/ئه‌لبا دیسس پیدس/ و‌: جه‌بار سابیر

8. شه‌پۆلی نوێی دژه‌كۆمۆنیزم/ ئێنزۆ تراڤێرسۆ/ و: پێشڕه‌و محه‌مه‌د

" شایانی باسه‌ ناوه‌ندی ڕۆشنبیریی ڕه‌هه‌ند" له‌ 8/11/2018 دا له‌ مه‌راسیمێكدا له‌لایه‌ن نووسه‌ر و چیرۆكنووس حه‌مه‌ كه‌ریم عارف و به‌ به‌شداری چه‌ندین نووسه‌ر و رۆشنبیریی شاری سلێمانی كرایه‌وه‌.

 ناوه‌نده‌كه‌ پێكهاتووه‌ له‌ كتێبخانه‌یه‌كی گه‌وره‌ كه‌ كتێبی به‌ چوار زمان تێدا ده‌فرۆشرێت و هاوكات له‌ به‌شی چاپ و بڵاوكردنه‌وه‌ش پێكهاتووه‌ كه‌ ئه‌م هه‌شت كتێبه‌ نۆبه‌ره‌ی چاپكراوه‌كانی ئه‌م ناوه‌نده‌یه‌.

 سه‌رچاوه‌/ هه‌ولێر

كوردستان تیڤی/ كامران