به‌ڕێوه‌به‌رایه‌تی ھه‌واڵگری سه‌ربه وه‌زاره‌تی به‌رگری عێراق رایگه‌یاند كه گه‌وره تیرۆریستێكی داعش له شاری سامه‌ڕا سه‌ربه پارێزگای سه‌ڵاحه‌ددین كوژراوه.
له راگه‌یه‌ندراوێكدا به‌ڕێوه‌به‌رایه‌تی ھه‌واڵگری عێراق ئاماژه‌ی به‌وه‌داوه، ھێزێكی لیوای كۆماندۆ سه‌ربه فه‌رمانده‌یی ئۆپه‌راسیۆنه‌كانی سامه‌ڕا به ھه‌ماھه‌نگی له‌گه‌ڵ ھێزێكی ھه‌واڵگری له میانی ئۆپه‌راسیۆنێكدا، توانیویان گه‌وره تیرۆریستێكی داعش به‌ناو ئه‌میری كه‌رتی كوش له رۆژھه‌ڵاتی سامه‌ڕا، ناسراو به سه‌عد ده‌لـلـه له ده‌ورووبه‌ری قه‌زای زلوعییه بكوژن.
له راگه‌یه‌ندراوه‌كه‌دا باس له‌وه‌شكراوه كه گه‌وره تیرۆریستییه‌كه به‌پێی مادده‌ی چواری تیرۆر له لایه‌ن دادگاوه داواكراوبوو.
کۆمێنت (0)
تا ئێستا هیچ کۆمێنتێک نەکراوە.