كارنامەی دانیشتنی سبەینێ په‌رله‌مانی عیراق چوارشەممە 23 راگه‌یه‌ندرا و پرۆسه‌ی ده‌نگدان له‌سه‌ر پڕۆژه‌یاسای گشتیی بودجه و ته‌واوكردنی كابینه‌ی حكومه‌تی نوێنی عیراق هه‌یه.
سه‌رۆكی په‌رله‌مانی عیراق رایگه‌یاند كه سبه‌ینێ په‌رله‌مان دانیشتنێكی دیكه ساز ده‌كات و كارنامه‌كه‌شی ده‌نگدان له‌سه‌ر پڕۆژه‌یاسای بودجه‌ی گشتی و ته‌واوكردنی كابینه‌ی حكومه‌ت له‌خۆده‌گرێت.
محه‌مه‌د حه‌لبوسی، سه‌رۆكی په‌رله‌مانی عیراق ئه‌مڕۆ سێشه‌ممه 22ی كانونی دووه‌می 2019 رایگه‌یاند كه سبه‌ینێ چوارشه‌ممه 23ی كانونی دووه‌م په‌له‌مان دانیشتنی ئاسایی خۆی ساز ده‌كات و تیایدا له كارنامه‌ی په‌رله‌مانیشدا پرۆسه‌ی ده‌نگدان له‌سه‌ر پڕۆژه‌یاسای گشتیی بودجه و ته‌واوكردنی كابینه‌ی حكومه‌تی نوێنی عیراق هه‌یه.
سه‌رۆكی په‌رله‌مانی عیراق ئاشكراشیكرد بۆ دانیشتنی رۆژی پێنجشه‌ممه‌ی داهاتوو، میوانداریی عادل عه‌بدولمه‌هدی، سه‌رۆك وه‌زیرانی عیراق ده‌كرێت، به‌ڵام هیچ ورده‌كارییه‌كی دیكه‌ی سه‌باره‌ت به میواندارییه‌كه ئاشكرا نه‌كرد.
هه‌روه‌ها له كارنامه‌كه‌دا هاتووه بەدواداچوونی هەندێك سكاڵا تایبەت بە دروستی ئەندامێتی ژمارەیەك پەرلەمانتار و ژمارەیەك پەرلەمانتاریش سوێندی یاسایی دەخۆن.
ئه‌وه‌ش له‌كاتێكدایه كه پێشتر به‌در زیادی، په‌رله‌مانتاری ئیتئلافی سائیرون به سه‌رۆكایه‌تیی موقته‌دا سه‌در ئاشكرایكردبوو كه پڕۆژه‌یاسی بودجه‌ی 2019 ئاماده‌یه بۆ ئه‌وه‌ی له دانیشتنی رۆژی پێنجشه‌ممه‌ی داهاتوودا ده‌نگی له‌سه‌ر بدرێت.
کۆمێنت (0)
تا ئێستا هیچ کۆمێنتێک نەکراوە.