له‌راگه‌یاندراوێكدا كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه ، وته‌بێژى یه‌كگرتووی ئیسلامی كوردستان ڕایده‌گه‌ێنێت ، به‌به‌رنامه و پلانی خۆمان له‌ده‌سه‌ڵاتدا به‌شداریمان كردووه و ئێسته‌ش به ئیراده و به‌رنامه‌ی خۆمان ئۆپۆزسیۆنی ئه‌كه‌ین و سورین له‌سه‌ری
راشیده‌گه‌یه‌نن ، سه‌ربه‌خۆیی بڕیار و هه‌ڵوێست دروشمی خه‌باتمانه و باجی زۆریشمان له‌و پێناوه‌دا داوه و ملمان به هیچ هێزێكی ناوخۆیی و ناوچه‌یی نه‌داوه .
ده‌قى راگه‌یاندراوه‌كه :
لێدوانێك له وته‌بێژی یه‌كگرتووی ئیسلامی كوردستان
ئێمه له یه‌كگرتووی ئیسلامی كوردستان خاوه‌نی پرۆژه‌یه‌كی سیاسی و فیكری و ئه‌خلاقی و كۆمه‌ڵایه‌تی خۆمانین و چاره‌كه سه‌ده‌یه‌كه له‌م گۆره‌پانه سیاسیه ئاڵۆزه‌دا گه‌رما و سه‌رما و هه‌وراز و نشێومان تێپه‌راندووه و به‌رده‌وام سه‌ربه‌خۆ بووین له هه‌ڵوێست و بڕیارو هه‌ڵسوكه‌وته‌كانماندا و هه‌رگیز كه‌س به شایه‌نی سه‌رمه‌شق و وه‌سی بوونی خۆمان نازانین..
به‌به‌رنامه و پلانی خۆمان له‌ده‌سه‌ڵاتدا به‌شداریمان كردووه و ئێسته‌ش به ئیراده و به‌رنامه‌ی خۆمان ئۆپۆزسیۆنی ئه‌كه‌ین و سورین له‌سه‌ری .. سه‌ربه‌خۆیی بڕیار و هه‌ڵوێست دروشمی خه‌باتمانه و باجی زۆریشمان له‌و پێناوه‌دا داوه و ملمان به هیچ هێزێكی ناوخۆیی و ناوچه‌یی نه‌داوه .
سیاسه‌ت به نه‌هجی خۆمان ده‌كه‌ین و وێڕای رێزمان بۆ لایه‌ن و خه‌ڵكی تر چۆن و چی ئه‌كات،
خاڵی هاوبه‌شمان له‌گه‌ڵ هێزه سیاسیه‌كان هه‌یه و ده‌ست به‌رداری نابین . هه‌روه‌ك رێز له خاڵه جیاوازیه‌كانیش ده‌گرین به مه‌رجی ئه‌وه‌ی كه به‌رانبه‌ریش سنوری خۆی بزانێ ..
ئه‌وه‌ی كه گوایه به‌رێزانی ( جوڵانه‌وه‌ی نه‌وه‌ی نوێ ) و میدیاكه‌یان ده‌ریان بڕیوه ده‌رباره‌ی كۆبوونه‌وه‌ی ( به‌رێز ئه‌مینداری گشتی له‌گه‌ڵ به‌رێز مه‌سعود بارزانی ) هه‌ڵه خوێندنه‌وه‌یه له خۆیان و له ئێمه‌ش ، هیچ كات ئێمه له‌یه‌كگرتوو به خه‌یاڵیشماندا نه‌هاتووه ژێرباری نه‌هج و سه‌لیقه‌ی سیاسی كه‌س بكه‌وین تا ئێسته ئه‌وان له پله‌و پایه‌ی هاوپه‌یمانی خۆیان مه‌حروممان بكه‌ن ..
ئێمه ئازادین چۆن هه‌ڵسوكه‌وت و په‌یوه‌ندی و سیاسه‌ت ده‌كه‌ین هه‌روه‌ك ئه‌وان و هه‌موولایه‌كی تر ئازادن به مه‌رجی سنور نه‌به‌زاندن .
وته‌بێژی
یه‌كگرتووی ئیسلامی كوردستان
21/1/2019
کۆمێنت (0)
تا ئێستا هیچ کۆمێنتێک نەکراوە.