پۆلیسی گه‌رمیان له ڕاگه‌ێندراوێكدا كه كۆپییه‌كی بۆ كوردستان تیڤی نێردراوه ڕایگه‌یاند: به‌هۆی دزینی ئۆتۆمبێله‌وه هاوڵاتیه‌ك ده‌ستگیر كرا.
ڕاشیگه‌یاندووه: شه‌وی ڕابردو هاوڵاتیه‌ك سكاڵای هێنایه لای پۆلیس و ئاگاداری كردینه‌وه له‌پێش ده‌رگای ماڵی خۆیان له‌گه‌ڕه‌كی ئازادی قه‌زای كه‌لار ئۆتۆمبێله‌كه‌یان له‌جۆری مارسیدس دزراوه.
ڕاشیگه‌یاند: دوای تۆماركردنی سكاڵاكه ده‌ست به‌جێ پۆلیس ده‌ستی به‌لێكۆڵینه‌وه‌كرد و هه‌ر ئه‌مشه‌و مه‌فره‌زه‌كانی 104ی كه‌لار و بنكه‌ی پۆلیسی كه‌لار توانیان تۆمه‌تبارو ده‌ستگیربكه‌ن و ده‌ست به‌سه‌ر ئۆتۆمبێلی ناوبراودا بگرن.
ده‌شڵێت: له‌ئێستادا به‌بڕیاری دادوه‌رو به‌پێی ماده‌ی 444 تۆمه‌تبار به‌ندكراوه.
کۆمێنت (0)
تا ئێستا هیچ کۆمێنتێک نەکراوە.