دوای ئه‌وه‌ی له‌شاری هه‌ولێر ده‌نگۆی ئه‌وه بڵاوبویه‌وه نرخی یه‌ك بوتڵ غاز بۆ (13) هه‌زار به‌رز بۆته‌وه ، قایمقامی قه‌زای ناوه‌ندی هه‌ولێر ئاشكرای ده‌كات ، ئه‌و غازه‌ی گران بووه غازی بازرگانیه .
(نەبەز عەبدولحەمید) قایمقامی هەولێر رایگه‌یاند : ئەو غازەی کە گرانبووە لە جۆری بازرگانییەكەیەتی، نەوەك ئەو غازەی لەڕێگەی بریكارەكانی حكومەتەوە دابەشدەكرێت، ئێستا نرخی بوتڵی غاز هەر بە (7500) دینارە و ئەوەی گران بووە غازی بازرگانییە.
پشكی هەولێر بۆ غاز دەبێت رۆژانە (15) تەنكەربێت، بەڵام ئەوەی ئێستا دێت رۆژانە (12) تەنكەرە، رۆژانی هەینیش غاز نایەت، وه كۆمپانیای داناغاز، غازی شلی لە كارگە ناوخۆییەكانی هەولێر بڕیوە و ئەوەش گرفتی كەمی غازی دروستكردووە، ئێستا لەهەوڵی چارەسەركردنی ئەو گرفتەداین.
کۆمێنت (0)
تا ئێستا هیچ کۆمێنتێک نەکراوە.