ده‌زگاى خێرخواى بارزانى به هاوكارى و پشتیوانى ڕێكخراوى یونسێف، جلوبه‌رگى زستانه به‌سه‌ر 50 هه‌زار منداڵى ئاواره له كه‌مپى پارێزگاى دهۆك دابه‌ش ده‌كات.
عه‌بدولواحد ئه‌ترووشى، به‌رپرسى لقى دهۆكی ده‌زگاى خێرخوازیى بارزانى، به رایگه‌یاند" ماوه‌ى مانگێكه سه‌رقاڵى دابه‌شكردنى جلوبه‌رگى زستانه‌ن به‌سه‌ر منداڵى ئاواره له كه‌مپى (بێرسڤى1و2، قادیا، خانكێ، ماملیان، چه‌م مشكۆ، باجد كه‌ندالا و ده‌ركارێ)".
گوتیشی:" به پشتیوانى و ڕێكخراوى یونسێفى نێوده‌وڵه‌تى و به رێگاى ده‌زگاى خێرخوازیى بارزانى جلوبه‌رگى زستانه به‌سه‌ر 50 هه‌زار منداڵى ئاواره له كه‌مپى پارێزگاى دهۆك دابه‌شكرا.
ڕوونیشی کردەوە، ئه‌و جلوبه‌رگانە به‌سه‌ر منداڵى یه‌ك ڕۆژە تاکو 14 ساڵى دابه‌شكراوه، هەروەها هه‌موو پێداویستییەکی زستانه‌ى له‌گه‌ڵدابووه.
کۆمێنت (0)
تا ئێستا هیچ کۆمێنتێک نەکراوە.