به‌ڕێوه‌به‌رایه‌تی پۆلیسی سلێمانی له ڕاگه‌ێندراوێكدا ڕایگه‌یاند: هێزه‌كانی بنكه‌ی پۆلیسی حه‌سار تۆمه‌تبارێكیان ده‌ستگیر كرد كه هه‌ڵسابوو به دزینی ئۆتۆمبیلێكی جۆری نیسان پیك ئاب.
پۆلیس ڕاشیگه‌یاندووه: دوای وه‌ی هاوڵاتییه‌ك سكاڵای تۆماركرد له‌وه‌ی كه ئۆتۆمبێله‌كه‌ی دزراوه، دوای وه‌رگرتنی فه‌رمانی دادوه‌ر هێزه‌كانی بنكه‌ی پۆلیسی حه‌ساری سه‌ر به به‌شی پۆلیسی سه‌ید سادق لێكۆڵینه‌وه‌كانیان ده‌ستپێكرد، دوای به‌دوادا چوون و لێكۆڵینه‌وه‌كان تۆمه‌تبارێك ده‌ستگیركرا و ئۆتۆمبێله‌كه‌ش ڕاده‌ستی خاوه‌نه‌كه‌ی كرایه‌وه .
ڕاشیگه‌یاندووه: له ئێستادا تۆمه‌تبار به فه‌رمانی دادوه‌رو به‌پێی مادده‌ی 446 له‌یاسای سزادانی عیراقی ڕاگیراوه .
کۆمێنت (0)
تا ئێستا هیچ کۆمێنتێک نەکراوە.