پێشنیوه‌ڕۆى ئه‌مڕۆ هه‌ینى 11ى كانوونى دووه‌مى 2019، له نێو بازارى قه‌زاى قائیمی سه‌ر به پارێزگاى ئه‌نبار ئۆتۆمبێلێكى بۆمبڕێژكراو ته‌قییه‌وه و 27 كه‌سى كرده قوربانى.
سه‌رچاوه هه‌واڵییه عێراقییه‌كان بڵاویان كرده‌وه كه كاتژمێر 10:40 خوله‌كى پێشنیوه‌ڕۆى ئه‌مڕۆ هه‌ینى له‌نێو بازارى قائیمی سه‌ر به پارێزگارى ئه‌نبار ئۆتۆمبێلێكى بۆمبرَێژكراو ته‌قیوه‌ته‌وه و به‌هۆى ئه‌و ته‌قینه‌وه‌یه 2 كه‌س كوژران و برینداربوونى 25 كه‌سى تری لێكه‌وته‌وه، پێشتریش لایه‌نه ئه‌منییه‌كانى عێراق به‌پێ ئاماره سه‌ره‌كییه‌كان كوژرانى 1 هاووڵاتى سیڤیل و 16 برینداریان راگه‌یاندبوو.
جێى ئاماژه‌یه رۆژى 8ى كانوونى دووه‌مى 2019، له قه‌زاى تكریتى سه‌ر به پارێزگاى سه‌ڵاحه‌دین ته‌قینه‌وه‌یه‌كى به‌هێز روویداو به‌و هۆیه‌وه 3 كه‌س كوژران و 10 كه‌سى تر برینداربوون.
رۆژ دوای رۆژ ره‌وشى عێراق به‌ره‌و مه‌ترسى هه‌نگاو ده‌نێت و تا ئێستاش به‌ته‌واوى داعش له عێراق له‌ناو نه‌بردراوه به‌رده‌وام چالاكى تیروریستى ئه‌نجام ده‌دات و رووبه‌رووبوونه‌وه له نێو چه‌كدارانى داعش و هێزه عیراقییه‌كان رووده‌دات.
ئاماده‌كردن و وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.