ئه‌مڕۆ پێنج شه‌ممه سه‌رچاوه‌یه‌كی ئه‌منی له شاری كه‌ربه‌لا رایگه‌یاندووه كه هێزێكی ئه‌منی توانیویانه كۆگایه‌كی فرۆشتنی گۆشتی گوێدرێژ له پارێزگاكه بدۆزنه‌وه.
سه‌رچاوه ئه‌منییه‌كه به میدیا عێراقییه‌كانی راگه‌یاندووه: هێزێك له به‌رێوه‌به‌رایه‌تی هه‌واڵگری و نه‌هێشتنی تیرۆر كۆگایه‌كیان له یه‌كێك له ناوچه‌كانی سه‌نته‌ری شاره‌كه دۆزیوه‌ته‌وه كه گۆشتی گوێدرێژی لێ ده‌فرۆشرا.
سه‌رچاوه‌كه راشیگه‌یاندووه كه كۆگاكه برێكی زۆری گۆشتی گوێدرێژ تێدابووه‌و دووپاتیشی كردۆته‌وه كه توانراوه كۆگاكه كۆنتڕۆڵ بكرێت و دۆسییه‌ی لێكۆڵینه‌وه‌ش بۆ بابه‌ته‌كه كراوه‌ته‌وه.
ئاماده‌كردنی/ رزگار
کۆمێنت (0)
تا ئێستا هیچ کۆمێنتێک نەکراوە.