وه‌زاره‌تی ناوخۆی عێراق ماوه‌ی كاركردن به ناسنامه‌ی باری شارستانی و ره‌گه‌زنامه‌ی عێراقی راگه‌یاند.
لیوا نه‌شئه‌ت ئیبراهیم خه‌فاجی، به‌رێوه‌به‌ری كاروباری كارتی نیشتمانی له وه‌زاره‌تی ناوخۆی عێراق به میدیای عێراقی راگه‌یاندووه: دوای ئه‌وه‌ی توانیمان له هه‌موو پارێزگاكانی عێراق فه‌رمانگه‌كانی باری شارستانی بۆ ده‌رچوونی كارتی نیشتمانی بگۆڕین، به‌رێوه‌به‌رایه‌تییه‌كان له ساڵی 2020 كاركردن به ناسنامه‌ی باری شارستانی و ره‌گه‌زنامه‌ی عێراقی راده‌گرن.
ئه‌و به‌رپرسه‌ی وه‌زاره‌تی ناوخۆ ئاشكراشی كردووه كه له‌ماوه‌ی ده‌ست به‌كاربوونیان توانیویانه 9 ملیۆن كارتی نیشتمانی له‌سه‌رجه‌م ناوچه‌كاتی وڵات به هاووڵاتیان بده‌ن.
ئاماده‌كردنی /رزگار
کۆمێنت (0)
تا ئێستا هیچ کۆمێنتێک نەکراوە.