حه‌سه‌ن روحانی سه‌ركۆماری ئێران، له به‌رامبه‌ر سه‌ردانه كتوپڕه‌كه‌ی دۆناڵد تره‌مپ، سه‌رۆكی ئه‌مریكا، بۆ بنكه‌ی سه‌ربازی عه‌ین ئه‌سه‌د له پارێزگای ئه‌نبار له رۆژئاوای عێراق رایگه‌یاند: ئه‌مریكا له ٢٠٠٣ه‌وه بانگه‌شه‌ی ئه‌وه ده‌كات كه "رزگاركه‌ر"ی ئه‌فغانستان و عێراقه
هه‌روه‌ها گوتی: ئه‌گه‌ر ده‌نگۆی ئه‌وه راسته كه رزگاركه‌ری عێراقه بۆچی به فه‌رمی و ئاشكرایی سه‌ردانی عێراق ناكات؟ ببینن له شه‌قامه‌كانی به‌غدا و به‌سره چۆن پێشوازیتان لێ ده‌كرێت. له شه‌وێكی تاریكدا و به‌نهێنی دێنه بنكه‌یه‌كی سه‌ربازی بچوك و وێنه ده‌گرن و كه‌مێك ده‌دوێن و دوای یه‌ك تا دوو كاتژمێر عێراق جێده‌هێڵن.
روحانی ده‌شڵێت: ئه‌وه به واتای ئه‌وه دێت شكستتان هێناوه و سه‌ركه‌وتوو نه‌بوون و خه‌ڵكی عێراق لێتان رازی نییه و ناوێرن بێنه ناو خه‌ڵك.
کۆمێنت (0)
تا ئێستا هیچ کۆمێنتێک نەکراوە.