شەپۆلێكی بەفربارین زۆربەی ناوچەكانی هەرێمی كوردستانی گرتەوەو بەو هۆیەوە ڕێگەی دەیان گوند و ئاوایی گیراوەو تیمەكانی بەفر ڕاماڵین خەریكی خاوێنكردنەوەی ڕێگاكانن بۆ ئەوەی گرفتی هاتوچۆ دروست نەبێت.
لە سنووری قەزاكانی ڕانیە، چۆمان، ڕواندز، سۆران، مێرگەسۆرو ئامێدی بەفر باریوە و تا ئێستاش بەفربارین بەردەوامە و لە هەندێك گوند و ئاوایی، نزیكەی 20 سم بەفر باریوە، لە زنجیرە چیاكانیش زیاتر لە 30 سم به‌فر باریوە.
هەندێك لە بەرپرسانی ئەو قەزایانە دەڵێن، لە سەنتەری قەزاكان و گوند و ئاواییەكان بەفر باریوە، هەر بۆ ئەو مەبەستە تیمەكانی بەفر ڕاماڵین خەریكی خاوێنكردنەوەی ڕێگە گشتییەكانن، بۆ ئەوەی گرفتی هاتوچۆ دروست نەبێت، چونكە وەكو خۆیان دەڵێن، ئەگەر تا بەیانی بەو شێوەیە بەفر ببارێت، ڕێژەیەكی زۆر بەفر دەبارێت، بەوەش گرفتی هاتوچۆ دروست دەبێت و هاووڵاتیان ناتوانن بە ئاسانی هاتوچۆ بكەن.
کۆمێنت (0)
تا ئێستا هیچ کۆمێنتێک نەکراوە.