ئه‌و ٧٥ ملیۆن دیناره‌ی له ساڵی داھاتوودا وه‌كوو قه‌رز ده‌درێته ھاووڵاتییان و فه‌رمانبه‌ران ھه‌رێمی كوردستانیش ده‌گرێته‌وه.
ئه‌حمه‌د سه‌فار، ئه‌ندامی لیژنه‌ی دارایی له په‌رله‌مانی عێراق به باسی راگه‌یاندووه، ئه‌و ٧٥ ملیۆن دیناره‌ی له ساڵی داھاتوودا وه‌كوو قه‌رز ده‌درێته ھاووڵاتییان و فه‌رمانبه‌ران بۆ كڕینی یه‌كه‌یه‌كی نیشته‌جێبوون له پڕۆژه‌كانی وه‌به‌رھێنان، ئه‌و قه‌رزه ھه‌رێمی كوردستانیش ده‌گرێته‌وه.
هه‌روه‌ها گوتی:به‌پێی مه‌رجه‌كان، ئه‌وه‌ی ده‌یه‌وێت قه‌رزه‌كه وه‌ربگرێت، ده‌بێت ته‌مه‌نی زیاتر له ١٨ ساڵ و به‌ره‌وژوور بێت و زه‌ویی به‌ناو بێت و بۆ ماوه‌ی ١٥ ساڵ قه‌رزه‌كه بگه‌ڕێنێته‌وه، ھه‌روه‌ھا پێویستی به كه‌فیلێك ھه‌یه كه‌وا فه‌رمانبه‌ر بێت..
سه‌فار ئاشكراشی كردووه، به‌پێی بانكی رافیده‌ین، وێڕای فه‌رمانبه‌ران، خانه‌نشینانیش ده‌توانن له‌و قه‌رزه سوودمه‌ند بن.
کۆمێنت (0)
تا ئێستا هیچ کۆمێنتێک نەکراوە.