بەرەبەیانی ئەمڕۆ شەممە، لە ناحیەی قەسرێی سەر بە قەزای چۆمان گەنجێک بەناوی (ئەمین عەبدولڕەحمان) 25 ساڵ بەهۆی پەلاماری مانگایەک گیانی لەدەستدا.
کەسێکی نزیک لە ڕووداوەکە بە کوردستان تیڤی ڕایگەیاند: ئەم گەنجە پیشەی گاوان بوو، دوای ئەوەی لەکاتی بەرەبەیان چێڵەکان کۆدەکاتەوە، چێڵێک پەلاماری دەدات و لە بەرزاییەکەوە فڕێی دەداتە خوارەوە و مانگاکەش لەگەڵی لە شاخەکە بەردەبێتەوە و دەکەوێتە سەر گەنجەکە.
دوای ئەوەی شۆفێرێک کەلەخی مانگایەک لەم شوێنە دەبینێت، دەچێتە شوێنی ڕووداوەکە و ئەم گەنجە لەوێ بە برینداری دەبینێت و دوای گەیاندنی بۆ نەخۆشخانە و ڕەوانەکردنی بۆ شاری هەولێر، گیان لەدەست دەدات.
كه‌ریم سمكۆ
کۆمێنت (0)
تا ئێستا هیچ کۆمێنتێک نەکراوە.