به‌ڕێوه‌به‌رایه‌تی پۆلیسی ڕاپه‌ڕین له ڕاگه‌ێندراوێكدا ڕایگه‌یاند: دوای نیوه‌ڕۆی دوێنێ چوارشه‌ممه كرێكارێك به‌ناوی (م،ا،خ) ته‌مه‌ن 20 ساڵ، كه دانیشتووی گه‌ڕه‌كی مامۆستایانی شاری ڕانیه‌له كاتی كاركردن له خانوێكی گه‌ڕه‌كی كارۆخ ، له‌سه‌ر په‌یژه‌یه‌ك كه‌وته خواره‌وه و به هۆیه‌وه ده‌ست به‌جێ گیانی له‌ده‌ستدا.
ڕاشیگه‌یاند: دوای ئه‌وه‌ی ته‌رمه‌كه‌ی گه‌یه‌ندرایه نه‌خۆشخانه‌ی گشتی ڕانیه، پاشان گواسترایه‌وه بۆ پزیشكی دادوه‌ری ڕانیه، پاش ئه‌نجامدانی توێكاری پزیشكی بۆ ته‌رمه‌كه‌ی ڕاده‌ستی كه‌سوكاری كرایه‌وه.
هه‌روه‌ها ڕاشیگه‌یاند: په‌ڕاوی لێكۆڵینه‌وه بۆ ڕووداوه‌كه ڕێكخراوه و له‌سه‌ر ڕوداوه‌كه كه‌س ده‌ستگیر نه‌كراوه، لێكۆڵینه‌وه له ڕوداوه‌كه به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.