ئه‌مرۆ سێ هاووڵاتی دیكه لە سنووری راپەڕین بە خواردنی قارچک، ژەهراوی بوون و گوتەبێژی بەڕێوه‌بەرایەتی تەندرووستی راپەڕینیش دەڵێت: "تەندروستیان جێگیرە".
تەها محه‌مه‌د، گوتەبێژی بەڕێوه‌بەرایەتی تەندرووستی راپەڕین رایگەیاند، ئەمڕۆ هه‌ینى، هاووڵاتییەك لە چوارقوڕنە و دوو هاووڵاتی دیكه‌ش لە رانیە دوای تێکچوونی دۆخی تەندروستیان بەهۆی خواردنی قارچکه‌وه، هێنراونەتە بەشی فریاکەوتنی نەخۆشخانەی رانیەو دواتر چارەسەری پێویستیان بۆ کراو ئێستا دۆخی تەندروستیان جێگیرە.
شایه‌نى باسه لە 24 کاتژمێری رابردووشدا، ئەوە 16ـه‌مین حاڵەتی ژەهراویبوونی هاووڵاتییانه بەهۆی خواردنی قارچك لە سنووری ڕاپەڕین تۆمار دەکرێت.
شەوی رابردووش بەهۆی خواردنی قارچکەوە 13 کەس کە دانیشووی ناحیەی بێتواتەن باری تەندروستیان تێکچو و ژەهراوی بوون ، دواتر گەیەندرانە نەخۆشخانەی گشتی رانیە بۆ چارەسەر و بەشێک لەو هاوڵاتیانە ئاستی بینینیان دابەزیوە و چەند کەسێکیش توشی سکچوون و رشانەوە بوون ، به‌لام لە ئێستادا چارەسەری پێویست بۆ ئەو هاوڵاتیانە کراوە و باری تەندروستیان جێگیرە.
کۆمێنت (0)
تا ئێستا هیچ کۆمێنتێک نەکراوە.