كارزان كاكل په‌یامنێری كوردستان تیڤی رایگه‌یاند: له سنووری شاره‌وانى 5 هاووڵاتییان بێ گرفت وه‌ك پێشتر ده‌توانن خانوو له‌سه‌ر شێوه‌ی دابه‌ش دوو دروست بكه‌ن و ئێستا هاووڵاتییان ده‌توانن مامه‌ڵه‌كانیان بێنن بۆ شاره‌وانى.
به‌شدار ره‌زا سه‌رۆكى شاره‌وانى 5ى هه‌ولێر به كوردستان تیڤی راگه‌یاند: له سنووری شاره‌وانى 5 هاووڵاتیان بێ گرفت وه‌ك پێشتر ده‌توانن خانوو له‌سه‌ر شێوه‌ی دابه‌ش دوو دروست بكه‌ن.
سه‌رۆكى شاره‌وانى 5ى هه‌ولێر ڕاشیده‌گه‌یه‌نێت: له‌ئێستادا هاووڵاتیان ده‌توانن مامه‌ڵه‌كانیان بێنن بۆ شاره‌وانى به‌مه‌به‌ستى دروست كردنى خانوو له‌سه‌ر شێوه‌ی دابه‌ش دوو و بێ گرفت شاره‌وانى ڕێگه به‌دروست كردنى خانووه‌كانیان ده‌دات.
له بڕیاری پێشووتری شاره‌وانى راگه‌یاندرا كه خانوو دروستكردن له‌سه‌ر شێوه‌ی دابه‌ش 2 ڕاده‌گیرێت، بڕیاره‌كه‌ى شاره‌وانى كاردانه‌وه و نیگه‌رانى هاووڵاتیانى لێكه‌وته‌وه، له ئێستاشدا شاره‌وانى بڕیاری نوێى ئه‌وه‌یه ته‌نیا له هه‌ندێك گه‌ڕه‌كى هه‌ولێر نه‌بێ كه‌ده‌ست نیشانكراون كه ڕێگه نادرێ خانوو له‌سه‌ر شێوه‌ی دابه‌ش دوو دابه‌ش بكرێت ، له گه‌ڕه‌ك و شوێنه‌كانى دیكه شاره‌وانى ڕێگه به هاووڵاتیان ده‌دات خانوو دروست بكه‌ن له‌سه‌رشێوه‌ی دابه‌ش دوو.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.