فڕۆکەکانی هاوپەیمانان بەچڕیی بۆردومانی مۆڵگەکانی داعش دەکەن لەسنوری قەزای دوزخورماتوو، بەڵام تائیستا ھیچ زانیاریەک لەبارەی زیانەكانی داعش رانەگەیەندراوە.
سه‌رچاوه‌یه‌كی ئه‌منی له‌م سنووره راگەیاند: ئەمڕۆ بۆ جارێکی دیکە فڕۆکە جەنگییەکانی هاوپەیمانان بۆردومانی گوندەکانی نێوان کفری و دوزخوماتویان کردەوە کە بارەگای گروپە چەکدارەکانی تێدایە .
وتیشی:هاوپەیمانان رۆژانە بە فڕۆکە چاودێریی گروپە چەکدارەکان دەکەن لە گوندەکانی غەڕەو پەڵکانە لە سنوری نێوان کفری دوزخورماتوو.
ئەمە لەكاتێكدایە چەكدارانی داعش ماوەیەكە لە چەندین ناوچەی عێراق دەستیان بە جموجۆڵ كردووەتەوە ، مانگانە چەكدارانی داعش 75 ھێرشی چەكداری لە عێراق ئەنجام دەدەن و ئێستا خۆی رێكخستووەتەوە و تەكتیكی خۆی گۆڕیوەو دەستی كردووە بە چالاكییەكانی رفاندن و تەقینەوە و زیاتریش كەسانی سەر بە حكومەت دەكاتە ئامانج.
کۆمێنت (0)
تا ئێستا هیچ کۆمێنتێک نەکراوە.