وته‌بێژی وه‌زاره‌تی پلاندانانی عێراق، عه‌بد ره‌زهره هنداوی رایگەیاند قه‌باره‌ی قه‌رزه‌كانی سه‌ر عێراق گه‌یشتووته 133 ملیار دۆلاری ئه‌مریكی.
عه‌بد ره‌زهره هنداوی لە لێدوانێکدا بۆ ئاژانسی ئانادۆڵو رایگەیاند: قەرزەکانی سەر عێراق 133 ملیار دۆلارە، قەرزە دەرەکییەکانی 73 ملیار دۆلار دەبێت و 49 ملیار دۆلاریش قەرزی ناوخۆییە.
وتەبێژ بەناوی وەزارەتی پلاندانانی عێراق ئەوەشی ئاشکراکردووە لەنێو قەرزە دەرەکییەکانی سەر عێراق 41 ملیار دۆلار قەرزەکانی وڵاتانی کەنداوە لەسەر رژێمی پێشووی عێراق و ئەم قەرزانە بێدەنگییان لەسەرە، واتە ھیچ باس ناکرێت و بەبێ سووە.
سەبارەت بەو قەرزانەش عه‌بد ره‌زهره هنداوی زیاتر دەڵێت ھەوڵەکانی بانکی نێودەوڵەتی بەردەوامن بۆ سڕینەوە و ھەڵگرتنی 90 لەسەدی ئەو 41 ملیار دۆلارە لەسەر عێراق، ھاوشێوەی رێککەوتنی یانەی پاریس.
کۆمێنت (0)
تا ئێستا هیچ کۆمێنتێک نەکراوە.