له درێژی دیدارو كۆبوونه‌وه‌كانی كه‌مێك پێش ئێستا سه‌رۆك بارزانی له‌لایه‌ن نوری مالیكی پێشوازی لێكرا.
له درێژی دیدارو كۆبوونه‌وه‌كانی له‌گه‌ڵ هه‌ر یه‌كه له سه‌رۆك وه‌زیران و سه‌رۆكى په‌رله‌مان و سه‌رۆكى هاوپه‌یمانى فه‌تح، ئێواره‌ى ئه‌مڕۆ له به‌غدا سه‌رۆك بارزانى له‌گه‌ڵ نوری مالیكی سەرۆکی هاوپەیمانی دەوڵەتی یاسا پێشوازی لێكراو له كۆبوونه‌وه‌دان.
سەرۆک بارزانی لە بەغدا چووە ماڵی نووری مالیکی و هەر لەوێش ئێوارەخوانێک بۆ سەرۆک بارزانی و شاندەکەی لەلایەن نووری مالیکییەوە رێکخراوه.
هه‌ر له‌و كۆبوونه‌وه‌یه‌دا، هادى عامرى، سه‌رۆكى ئیئتیلافی فه‌تح و ئه‌میندارى گشتی ڕێكخراوى به‌در، به‌شدارى كرد.
سه‌رله‌به‌یانی ئه‌مرۆ پێنج شه‌ممه سه‌رۆك بارزانى سه‌ردانى به‌غدای كرد و تاوه‌كو ئێستا له‌گه‌ڵ زۆربه‌ی لایه‌نه سیاسییه‌كانی عێراق كۆبوونه‌وه‌ی دیداری ئه‌نجامداوه.
میدیا عێراقییه‌كان به‌گرنگییه‌وه باس له‌و سه‌ردانه‌ى سه‌رۆك بارزانى بۆ به‌غدا ده‌كه‌ن و پێیانوایه، هه‌نگاوێكی گرنگه بۆ باشتركردنى په‌یوه‌ندییه‌كانى نێوان هه‌رێم و به‌غدا.
کۆمێنت (0)
تا ئێستا هیچ کۆمێنتێک نەکراوە.