موحسین قەسرۆکەیی بەرپرسی هۆبەی هۆشیاری تەندروستی قەزای شەقڵاوە له‌راگه‌یاندراوێكدا كه‌وێنه‌یه‌كى تایبه‌تى بۆ مالپه‌رىی كوردستان تیڤى ناردووه رایده‌گه‌ێنێت ، هەلبەتە سالانە لەگەڵ دەسپێکی وەرزی خوێندن لە دام و دەزگا پەروەردییەکان بە تایبەتی ڵە باخچەی ساوایان و قوتابخانە بنەڕەتیەکان هەندێ جۆری پەتای وەرزی و نەخۆشی گوازراوەی وەک (ئەنلۆنزا،میرکوتە ،گوێ ڕەپە) بڵاودەبنەوە .
هه‌روه‌ها راشیده‌گه‌ێنێت ئەوەی ڵێرە گرنگە ئاماژەی پێ بکەم حالەتێکی مەترسیدار هەیە ئەویش بڵاوبوونەوەی ڕێژەیەکی زۆر(رشک و ئەسپێ)یە لە ناو قوتابیان و قوتابخانەکان.
ئەمەش دەگەرێتەوە بۆ چەندین هۆکاری وەک :
ـ فەرامۆش کردن و گرنگی نەدان بە ڵایەنی هۆشیاری (رۆشنبیری تەندروستی قوتابیان)
ـ فەرامۆشکردنی هەندێ ڕێنمایی وبابەتی تەندروستی ڵە ناو قوتابخانەکان.
ـ کەم تەرخەمی و نەبوونی ڵێژنەی تایبەت بە چاودێری تەندروستی قوتابیان .
ـ گرنکی نەدان بە پاک و خاوێنی بە گشتی
ـ نەبوونی مەرجی سەلامەتی تەندروستی فرۆشگاو ئاو و ئاوەڕۆی نێو قوتابخانەکان .
هەلبەتە ساڵانە ڵەگەڵ دەستپێک و کرانەوەی دەرگای قوتابخانەکان چەندین حاڵەتی هەبوونی (رشک و ئەسپێ) ڵە نێو قژی قوتابیان بڵاودەبێتەوە ، ئەمەش دەگەڕێتەوە بۆ کەمتەرخەمی خودی (دایک و باوک )و نەبوونی ئاستی هۆشیاری و ڕۆشنبیری تەندروستی بە شێوەیەکی گشتی ..
ئەوەی جێگای ئاماژەیە ڵە هەموو بەڕێوەبەرایەتیەکان و نەخۆشخانەکان ڵە شاروقەزاو ناحیەکان هۆبەو بەشی تایبەت هەن بەناوی (ڕۆشنبیری تەندروستی ) تایبەت بە قوتابخانەکان ، هەروەها ڵە هەموو بەڕێوەبەرایەتی پەروەردەییەکان بەشی تایبەت هەیە بۆ چاودێری تەندروستی قوتابیان ..
بەڵام ئەوەی جێگای داخە ئەمساڵ ڵە چاو ساڵی ڕابردوو ڕێژەی بڵاوبوونەوەی ( رشک و ئەسپێ ) زۆر زیادی کردووە ..
ئەمساڵ بە هۆی زۆری ڕێژەی (رشک و ئەسپێ ) ڵە قوتابخانەکان و باخچەی منداڵان ڵە قەزای شەقڵاوە ئێمە وەک و (بەڕێوەبەرایەتی تەندروستی قەزای شەقڵاوە) هەفتەیەکە هەڵمەتێکی هۆشیاری مان دەست پێکردووە بە هاوکاری بەڕێوەبەرایەتی پەروەردەی شەقڵاوە بۆ کۆنتڕۆڵکردن و ڵە ناوبردنی (رشک و ئەسپێ) هەفتانە تیمەکانمان سەردانی چەندین قوتابخانە دەکەن ڵە ناو پۆڵەکان و ڵەگەڵ مامۆستاکان چەندین بابەتی تایبەت بە هۆشیاری و ڕۆشنبیری تەندروستی و باسی ڕێنماییە و ڵایەنی خۆپارێزی بۆ قوتابیان دەکەین ،ڵە هەمان کاتدا ڵە چەندین قوتابخانە و باخچەی منداڵان ڵەسەر ئەرکی خۆمان چەندین جۆری (شامپۆ) و پاککەرەوەی دژی (رشک و ئەسپێ) دابەش کردووە ، بەڵام بە هۆی زۆری تووش بوونی ڕێژەیەکی زۆری قوتابیان ڵە قەزاو ناحیەکان و دێهاتەکان ناتوانین دەرمانی پێویست و بە تایبەتی (شامپۆی )دژی رشک دابین بکەین ..
بەرپرسی هۆبەی هۆشیاری تەندروستی قەزای شەقڵاوە داوا ڵە وەزارەتی تەندروستی و وەزارەتی پەروەردە دەکات هەڵمەتێکی نیشتیمانی ئەنجام بدەن و دەرمانی پێویست بۆ سەرجەم قوتابخانەکان دابین بکەن و خەمێک ڵەو بابەتە هەستیارە بخۆن چونکە ژیان و ڕەوشی تەندرستی قوتابیان ڵە مەترسی دایە ئەگەر بە زووترین کات چارەی پێوست نەکرێت ئەوە ڵە سەرجەم قوتابخانەکانی شارو شارۆچکەکان بڵاودەبێتەوە و جگە ڵە زیانی تەندروستی ئەوە کاریگەری خراپی دەبێت ڵە سەر پەروەردەو خوێندن ...
تێبینی / ڕشک ـ ئەسپێ جۆرە مێرووێکی مشەخۆرە ڵە ناو پێست و قژی سەری مرۆڤ دەژی بە هۆی بەریەککەوتن و بەکارهێنانی هەندێ کەڵ وپەل دەگوازرێتەوە بە تایبەتی ئەو شوێنانەی ڕێژەی تێکەڵاوبوونی زۆرە وەک قوتابخانەکان و گرتووخانەکان .
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.