ب سه‌رپه‌رشتیا كه‌ریم شنگالی وه‌زیرێ ناڤخوه و وه‌زیرێ پێشمه‌رگه ب وه‌كاله‌ت ب ئاماده‌بوونا سه‌ربه‌ست له‌زگین شوونكارێ وه‌زاره‌تێ و فه‌ریق جه‌بار یاوه‌ر ئه‌میندارێ گشتی و فه‌ریق جه‌مال محه‌مه‌د سه‌ركانتێ وه‌زاره‌تێ و نوونه‌رێن هاوپه‌یمانان، جڤینه‌كه ئاسایی یا هه‌ڤپه‌یمانیا دژی ته‌رۆرستێن داعشێ ل هه‌ولێرێ هات لدارخستن.
د جڤینێ ده راپۆرا به‌شان هاتن ڤه‌خوه‌ندن و تێده بالكشاندن سه‌ر بوویه‌رێن هن رۆژێن ده‌رباسبوویی ل ده‌ڤه‌رێن جدا یێن ئێراقێ.
ل گور وان راپۆران ته‌ڤگه‌رینێن ته‌رۆرستێن داعشێ جاره‌كه دن ده‌ستپێ كرنه و د ئه‌نجاما كریارێن ته‌رۆرستی ده بده‌هان كه‌س ژ خه‌لكێ سڤیل هاتن كوشتن و برینداربوون، ئه‌ڤ یه‌ك ژی بوویه سه‌ده‌ما دروستبوونا نا ته‌ناهیێ و پرس و گرفتاریان ژبۆ خه‌لكێ وان ده‌ڤه‌ران و پرۆسێسا جاره‌كه دن ئاڤاكرنا ده‌ڤه‌رێن وێرانكری یێن ئێراقێ. پشتره پرسا هه‌ڤكاری یێن ناڤبه‌را هێزێ پێشمه‌رگه و ئارتێشا عێراقێ ب ئارمانجا سینوورداركرنا ته‌ڤگه‌رینێن داعشێ و دروستكرنا ره‌وشه‌كه باش ژبۆ ڤه‌گه‌راندنا ئاواره‌یان ژ ده‌ڤه‌رێن وان ره.
کۆمێنت (0)
تا ئێستا هیچ کۆمێنتێک نەکراوە.