له‌راگه‌یاندراوێكدا كه‌وێنه‌یه‌ك ده‌ست مالپه‌رى كوردستان تیڤى كه‌وتووه ، به‌ڕێوه‌به‌رایه‌تى پۆلیسى راپه‌رین ڕایده‌گه‌ێنێت ، دوای بەدواداچونی سکاڵای ئەو هاوڵاتیانەی داوایان تۆمار کردووە لە بنکەی پۆلیسی حاجیاوا سەبارەت بەوەی کە دزی لە ماڵەکەیان کراوە، مەلەفی لێکۆڵینەوە ڕێکخرا و بڕیاری دادوەر بەدەست هات بۆ دۆزینەوەی تۆمەتباران و دەستگیرکردنیان.
دوای بەدواداچوون و هەوڵێکی زۆر لە هێزەکانمان لە بنکەی پۆلیسی حاجیاوا بۆ دۆزینەوەی تۆمەتباران و سود وەرگرتن لە کامێراکانی چاودێری، لە شەوی ۳بۆ ٤ / ۱۱ / ۲۰۱۸ کەسێکیان دەستگیرکرد بەناوی ( د،ب) تەمەن ۲۹ ساڵ دانیشتوی ڕانیە لە ڕەگەزی نێر، کە هەستاوە بە دزینی چەندین کەل و پەلی وەک پارە و زێر و چەک و کۆمپیوتەر و هەندێک شتی تری ناو ماڵ لە ناحیەی حاجیاوا سەرەڕای ئەوەش لە کاتی دەستگیرکردنەکە چەند جۆرێک لە مادەی هۆشبەری پێوە گیراوە کە بەکاری هێناون.
کەسی دووەم بەناوی ( ڕ،ح) تەمەنی ۳۲ ساڵ لە ڕەگەزی نێر دانیشتوی چوارقوڕنە کە پێشتر لەلایەن هێزکانمان لە نەهێشتنی تاوانی پشدەر دەستگیر کرابوو لەگەڵ تۆمەتباری یەکەم چەند جارێک بەیەکەوە تاوانی دزیان ئەنجامداوە.
پۆلیس ڕاشیده‌گه‌ێنێت ، هەردوو تۆمەتبارانی سەرەوە بە ماددەی ٤٤٤ لە یاسای سزادانی عێڕاقی ڕاگیراون و لێکۆڵینەوە لەگەڵیان بەردەوامە ، هەردوو تۆمەتبارەکان پێشینەیان لە تاوان هەیە و پێشتر لەسەر تاوانی دزی کردن حوکم دراون.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.