بەڕێوەبەری گشتی ئاو و ئاوەڕۆی هەرێم رایگه‌یاند: باران و لافاوەی هەرێمی کوردستان و باکووری گرتەوە، سەرچاوەکانی ئاوی کردە قوڕ و لیتەیەکی زۆر، بەهۆی ئەوەشەوە چوار پرۆژەی ستراتیژی ئاو کە ئیفراز وه‌ستاون، ئەگەر قوڕ و لیتەی سەرچاوەکانی ئاو نیشتەوە و تێپەڕی، درەنگانی ئەمشەو وێستگەکانی ئاو ئیشیان پێ دەکرێتەوە.
ئەندازیار مەسعود کاڕەش بەڕێوەبەری گشتی ئاو و ئاوەڕۆی هەرێمی کوردستان لەبارەی بڕانی ئاو ڕایگەیاند: ئەو باران و لافاوەی هەرێمی کوردستان و باکووری گرتەوە، سەرچاوەکانی ئاوی کردە قوڕ و لیتەیەکی زۆر، بەهۆی ئەوەشەوە چوار پرۆژەی ستراتیژی ئاو کە ئیفرازی یەکەم و دووەم و سێیەم و پرۆژەی ئاوی شەقڵاوەیە وەستان لەبەر ئەوەی ناتوانن لە ستاندەردی خۆیان زیاتر ئاو پاک بکەنەوە، ئێمەش ناتوانین ئاوێک بگەینینە هاووڵاتیان کە شیاوی خواردنەوە نەبێت.
بەڕێوەبەری گشتی ئاو و ئاوەڕۆ زیاتر گوتی: ئەگەر قوڕ و لیتەی سەرچاوەکانی ئاو نیشتەوە و تێپەڕی،درەنگانی ئەمشەو وێستگەکانی ئاو ئیشیان پێ دەکرێتەوە و ئاو دەگەینینە هاووڵاتیان.
کۆمێنت (0)
تا ئێستا هیچ کۆمێنتێک نەکراوە.