وەزیری بەرگریی ئیتاڵیا گەیشتە هه‌ولێر

وەزیری بەرگریی ئیتاڵیا بە سەردانێک گەیشتە هەرێمی کوردستان و لە فڕۆکەخانەی نێودەوڵەتی هەولێر لەلایەن وەزیری پێشمەرگە به‌ وه‌كاله‌ت پێشوازی لێکرا.

ئێلیزابێتا ترێنتا، وه‌زیری به‌رگری ئیتاڵیا، به‌ یاوه‌رێكی شاندێكی باڵای سه‌ربازی وڵاته‌كه‌ی، له‌ رێگه‌ی فڕۆكه‌خانه‌ی نێوده‌وڵه‌تی هه‌ولێر، گه‌یشته‌ كوردستان و له‌لایه‌ن كه‌ریم شنگالی، وه‌زیری ناوخۆ و وه‌زیری پێشمه‌رگه‌ به‌ وه‌كاله‌ت، پێشوازی لێكرا.

بڕیاره‌ له‌ میانی سه‌ردانه‌كه‌یدا وه‌زیری به‌رگری ئیتاڵیا لەگەڵ نێچیرڤان بارزانی، سەرۆکوەزیرانی هەرێمی کوردستان و بەرپرسە باڵاکانی دیکە کۆببێتەوە و لە کۆبوونەوەکەشدا باسی بارودۆخی هەرێمی کوردستان و عێراق بکەن.