مسته‌فا ته‌ھا، به‌ڕێوه‌به‌ری دابه‌شكردنی سووته‌مه‌نی ھه‌ولێر، به ماڵپه‌ڕی فه‌رمیی پارتی دیموكراتی كوردستانی ڕاگه‌یاندووه : ماوه‌یه‌كه ده‌ستمان به دابه‌شكردنی نه‌وت له ناوچه شاخاوییه‌كان كردووه و ماوه‌ی چه‌ند رۆژێكیشه له به‌غداوه ناردنی نه‌وت زیادی كردووه، بۆیه ئێمه‌یش له‌گه‌ڵ ناوچه شاخاوییه‌كاندا، له‌ناو سه‌نته‌ری شاری ھه‌ولێریش ده‌ستمان به دابه‌شكردنی نه‌وت كردووه و سه‌ره‌تایش له گه‌ڕه‌كه ھه‌ژارنشینه‌كان نه‌وت دابه‌ش ده‌كرێت، كه رۆژی پێنجشه‌ممه له گه‌ڕه‌كی سه‌یداوه نه‌وت دابه‌ش كراوه و ئه‌مڕۆیش له كه‌سنه‌زان دابه‌ش ده‌كرێت، به‌رده‌وامیش ده‌بین تاوه‌كو ھه‌موو ھاووڵاتیان نه‌وت وه‌رده‌گرن.
گوتیشی: ئێمه له سنووری ھه‌ولێر به گشتی پێویستمان به ١٠٠ ملیۆن لیتر نه‌وت ھه‌یه و بۆ ئه‌مساڵیش له ناوشار به‌رمیلێك نه‌وت به ٥٠ هه‌زار دینار به ھاووڵاتیان ده‌درێت و له ده‌ره‌وه‌ی شاریش به ٥١ھه‌زار دینار، كه ھه‌ر به‌رمیلێك ٢٢٠ لیتر نه‌وتی سپیی تێدایه.
کۆمێنت (0)
تا ئێستا هیچ کۆمێنتێک نەکراوە.