به‌ڕێوه‌به‌ری دابه‌شكردنی كاره‌بای هه‌ولێر رایگه‌یاند: سه‌رجه‌م ئه‌و هه‌واڵانه‌ی كه باس له بڕینی كاره‌بای نیشتیمانی ده‌كه‌ن دوورن له راستیه‌وه.
حوسین حه‌مه‌د به‌ڕێوه‌به‌ری دابه‌شكردنی كاره‌بای هه‌ولێر له میانی به‌شداربوونی له پرۆگرامی دیڤچوونی كه‌ناڵی كوردستان تیڤی رایگه‌یاند: كاره‌با كه‌م ده‌بێته‌و به‌ڵام نابڕدرێت و سه‌رجه‌م ئه‌و هه‌واڵانه‌ی كه باس له بڕینی كاره‌بای نیشتیمانی ده‌كه‌ن دوورن له راستیه‌وه.
هه‌روه‌ها راشیگه‌یاند: ئه‌گه‌ر هیچ گرفتێكی ئه‌وتۆ نه‌یه‌ته پێش 17 بۆ 18 كاتژمێر كاره‌با دابین ده‌كه‌ین.
به‌ڕێوه‌به‌ری دابه‌شكردنی كاره‌بای هه‌ولێر ئاماژه‌ی به‌وه‌شكرد ئه‌م كاره به مه‌به‌ستی زیادكردن و په‌ره‌پێدانی به‌رهه‌مهێنانی غازی سروشتی ئه‌نجام ده‌درێت و ئه‌مه‌ش ده‌بێته هۆی به‌رهه‌م هێنان و زیادبوونی كاته‌كانی كاره‌بای نیشتیمانی له ماوه‌یه‌كی نزیكدا.
کۆمێنت (0)
تا ئێستا هیچ کۆمێنتێک نەکراوە.