حكوومه‌تى هه‌رێمى كوردستان بۆ ساڵى داهاتوو بڕه بودجه‌یه‌ك بۆ كڕینى ده‌رمان و پێداویستییه ته‌ندروستییه‌كان دابین ده‌كات و ناوى ژماره‌یه‌ك ده‌رچووى كۆلێژه پزیشكییه‌كانیش ده‌خاته لیستى دامه‌زراندنه‌وه.
خاڵس قادر، گوته‌بێژى وه‌زاره‌تى ته‌ندروستیى حكوومه‌تى هه‌رێمى كوردستان، به باسنیوزى ڕاگه‌یاند: ”به‌مه‌به‌ستى جێگردنه‌وه‌ى داواكارییه‌كانى وه‌زاره‌تى ته‌ندروستى له‌ناو بودجه‌ى 2019 ،له‌گه‌ڵ وه‌زاره‌تى دارایى گفتوگۆمان كردوه‌و ڕێككه‌وتین كه بڕی 915 ملیار دینار وه‌كو بودجه‌ی ساڵى 2019 بۆ وه‌زاره‌تی ته‌ندروستی دابین بكرێت.
گوته‌بێژى وه‌زاره‌تى ته‌ندروستى، ئەوەشی خستە روو، کە هاوكات بڕیارى ئه‌وه‌ش درا كه 720 ده‌رچووى كۆلێژه‌كانی پزیشكی، پزیشكی ددان و ده‌رمانسازی له‌ناو بودجه‌دا جێییان بكرێته‌وه بۆ ئه‌وه‌ى ئه‌گه‌ر دامه‌زراندن بكرێته‌وه چانسى ئه‌وان له پێشه‌وه بێت و دابمه‌زرێن.
باسى له‌وه‌شكرد، كه له‌سه‌ر بودجه‌ى خۆیان له كڕینى ده‌رمان و پێداویستى ته‌ندروستى به‌رده‌وام ده‌بن و حكوومه‌تى به‌غداش به‌ڵێنى داوه له‌سه‌ر ناردنى ئه‌و بڕه ده‌رمانه‌ى پێشوو، بۆ ساڵى داهاتووشبه‌رده‌وام بێت.
کۆمێنت (0)
تا ئێستا هیچ کۆمێنتێک نەکراوە.