کۆمسیۆنی باڵای سەربەخۆی هەڵبژاردن و راپرسی لە هەرێمی کوردستان رایگەیاندووە، کە تا ئێستا 314 سندووقی دەنگدان لە سلێمانییەوە نەنێردراونەتە کۆمسیۆن.
سەرچاوەیەکی کۆمسیۆن بە ماڵپەڕی فەرمیی پارتی دیموکراتی کوردستانی راگەیاندووە، کۆمسیۆن لێژنەیەکی پێنج کەسی لە نوێنەرانی حزبەکان پێکهێناوە تا سەردانی سلێمانی بکەن و دەنگەکانی 314 وێستگەی دەنگدان بگەڕێننەوە ئۆفیسی نیشتمانیی کۆمسیۆن لە هەولێر.
ئەو لێژنە پێنج کەسییە دوو رۆژە خەریکی جیاکردنەوەی دەنگەکانی ئەو سندووقانەیە و دوای تەواوبوونی جیاکردنەوەی دەنگەکانیش، تێکەڵ بە ئەنجامی دەنگدانی گشتی دەکرێن.
رۆژی 30ـی ئەیلوولی 2018 هەڵبژاردنی خولی پێنجەمی پەرلەمانی کوردستان ئەنجام درا و رۆژی 4/10/2018ش کۆمسیۆنی باڵای سەربەخۆی هەڵبژاردن و راپرسی لە هەرێمی کوردستان ئەنجامی بەرایی %85ـی دەنگەکانی بڵاو کردەوە.
کۆمێنت (0)
تا ئێستا هیچ کۆمێنتێک نەکراوە.