گه‌نجێكی ته‌مه‌ن 20 ساڵ كه دانیشتووی قه‌زای به‌رده‌ره‌شه له یه‌كێك له تاوه‌ره‌كانی رووناك كه‌ره‌وه‌ی یاریگای وه‌رزشی به‌رده‌ڕه‌ش خۆی هه‌ڵدایه خواره‌وه و گیانی له‌ده‌ستدا.
سه‌نگه‌ر گۆران، په‌یامنێری كوردستان تیڤی رایگه‌یاند: دره‌نگانی شه‌وی رابردوو گه‌نجێكی ته‌مه‌ن 20 ساڵ به ناوی ئه‌یوب عه‌بدولره‌زاق كه دانیشتوی گوندی ئامایانی سه‌ر به قه‌زای به‌رده‌ڕه‌شه له تاوه‌رێكی رووناك كه‌ره‌وه‌ی یاریگای وه‌رزشی به‌رده‌ڕه‌ش خۆی هه‌ڵدایه خواره‌وه و گیانی له‌ده‌ستدا .
به پێی زانیارییه‌كانی په‌یامنێری كوردستان تیڤی ئه‌م گه‌نجه پۆلی شه‌شی ئاماده‌یی ته‌واو كردووه و چاوه‌ڕوانی گه‌ڕانه‌وه‌ی ناوی بووه یه‌كێك له زانكۆ و په‌یمانگاكان به‌ڵام دوای راگه‌یاندنی ئه‌نجامه‌كان ناوی له هیچ كام له زانكۆ و په‌یمانگاكان نه‌گه‌ڕاوه‌ته‌وه .
كوردستان تیڤی په‌یوه‌ندی به كه‌سه نزیكه‌كانی ئه‌و گه‌نجه كردووه و ئه‌وان رایانگه‌یاندووه كه ئه‌و گه‌نجه پێشتر هیچ كێشه‌یه‌كی كۆمه‌ڵایه‌تی یاخوود ده‌روونی نه‌بووه.
گوندی ئامایان كه‌متر له 3 كیلۆمه‌تر له سه‌نته‌ری قه‌زای به‌رده‌ڕه‌ش دووره
کۆمێنت (0)
تا ئێستا هیچ کۆمێنتێک نەکراوە.