سه‌رچاوه‌یه‌كی سیاسی نزیك ئاشكرای كردووه كه ئه‌مڕۆ چوارشه‌ممه كوتله سیاسییه‌كان له‌سه‌ر لیستی كۆتایی ده‌ست نیشانكردنی كاندیده‌كان رێك ده‌كه‌ون و پێشبینش ده‌كرێت رۆژی شه‌ممه پێكهێنانی حكومه‌تی نوێی عێراق رابگه‌یه‌نرێت.
رۆژنامه‌ی شه‌رقولئه‌وسه‌ت له‌وسه‌رچاوه‌یه گواستویه‌تییه‌وه، هه‌ندێك له كوتله سیاسییه‌كان ناوی كاندیده‌كانیان داوه‌ته سه‌رۆكی وه‌زیرانی راسپێردراو، به‌ڵام هێشتا گفتوگۆكان له باره‌ی وه‌زاره‌ته‌كان و پۆسته‌كان به‌رده‌وامن.
سه‌رچاوه‌كه راشیگه‌یاندووه، پێشبینی ده‌كرێت ئه‌مڕۆ كوتله سیاسییه‌كان سه‌باره‌ت به لیستی كۆتایی ناوی كاندیده‌كان بگه‌نه رێككه‌وتن و پێشكه‌شی سه‌رۆك وه‌زیرانی بكه‌ن و پێشبینیش ده‌كرێت رۆژی شه‌ممه‌ی داهاتوو پێكهێنانی حكومه‌تی نوێی عێراق رابگه‌یه‌نرێت.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.