به‌پێى هه‌واڵێكى ئه‌لسومه‌ریه نیوز، سه‌رچاوه‌ییه‌كى ئه‌منى له پارێزگاى كه‌ركوك رایگه‌یاند: دوێنى سێشه‌ممه 16ى ئۆكتۆبه‌رى 2018، له ئه‌نجامى پێكدادانێكى چه‌كدارى له نێوان گروپێكى تیرۆریست و پۆلیسى فیدڕاڵى عێراقى له گوندى به‌ریه حه‌لوات كه ده‌كه‌وێته رۆژئاواى كه‌ركوك، كوژرانى ئه‌فسه‌رێكى پۆلیسى فیدڕاڵى عێراقى به پله‌ى ملازم یه‌ك و برینداربوونى یه‌كێكى تر به پله‌ى رائد لێكه‌وته‌وه و هه‌روه‌ها دوو پۆلیسى فیدڕاڵى عیراقى برینداربوون.
هاوكات سه‌رچاوه ئه‌منییه‌كه كه نه‌یویست ناوى ئاشكرابێت، رایگه‌یاند: له نێو گروپه تیرۆریستێكه كوژراو بریندار هه‌بووه و هێزه ئه‌منییه‌كانى سه‌ر به عێراق شوێنى رووداوه‌كه‌یان گه‌مارۆدا و بریندارانیان ره‌وانه‌ى نه‌خۆشخانه كرد و كوژراوه‌كه‌ش بۆ پزێشكى دادى نیردرا.
ئاماده‌كردن و وه‌رگیران/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.