لە ساڵوەگەڕی خیانەتی 16ـی ئۆکتۆبەردا، رۆژنامەی خه‌بات لاپەڕەی یەکەمی بە بەتاڵی دەخاتە بەردەستی خوێنەران.
وێنه‌ی لاپه‌ره‌یه‌كی ده‌ست ماڵپه‌ری كوردستان تیڤی كه‌وتووه، ئەمڕۆ سێشەممە 16/10/2018 ژمارەیەکی نوێی رۆژنامەی خەبات بڵاو کرایەوە، بەڵام لاپەڕەی یەکەمی بەبێ هیچ بابەت و نووسینێک، بە سپێتی کەوتە بەردەستی خوێنەران.
لە گۆشەیەکی خوارەوەی لاپەڕە یەکی ژمارەی ئەمڕۆی رۆژنامەی خەبات، بە بچووکی هێمایەک بە رەنگی سوور و رەش چاپ کراوە، کە تێیدا نووسراوە 16 ئۆکتۆبەر.
شازده‌ى ئۆكتۆبه‌رى ساڵى رابردوو، سه‌ره‌ڕاى ئه‌وه‌ى ته‌واوى هێزى پێشمه‌رگه و هه‌زاران خۆبه‌خشى كه‌ركووك ئاماده بوون، به‌رگرى له شاره‌كه‌یان بكه‌ن، به‌ڵام به‌شێك له به‌رپرسانى باڵاى یه‌كێتى نیشتیمانى كوردستان خیانه‌تیان كرد و بوونه چاوساغى هێزه میلیشیا شیعه‌كان كه ناسراون به حه‌شدی شه‌عبی كه‌ركووكیان داگیر كرده‌وه.
ئه‌مڕۆ له هه‌رێمى كوردستان هاووڵاتیان به شێوازى جیاجیا ئیدانه‌ى خیانه‌تى 16ى ئۆكتۆبه‌ریان كرد.
کۆمێنت (0)
تا ئێستا هیچ کۆمێنتێک نەکراوە.