به‌ڕێوه‌به‌ری ئاسایشی كه‌ركووك له ساڵڕۆژی خیانه‌ته‌كه‌ی 16ی ئۆكتۆبه‌ر رایده‌گه‌ێنێ، ئه‌گه‌ر خیانه‌ت نه‌بووایه هێزه عێراقییه‌كان نه‌یان ده‌توانی شاری كه‌ركوك داگیر بكه‌ن.
ئیدریس ره‌فعه‌ت، به‌ڕێوه‌به‌ری ئاسایشی كه‌ركووك رایگه‌یاندووه: هێزه‌كانی پێشمه‌رگه خیانه‌تیان لێكرا و له 12 مانگه‌وه لایه‌نێكی دیاریكراو ته‌واوی چه‌ك و كه‌لوپه‌له سه‌ربازییه‌كانی ئاماده‌ی كشانه‌وه كردبوو، ئه‌و لایه‌نه پێشتر رێككه‌وتنی نهێنی ئه‌نجام دابوو، به‌ڵام كاتێك پرسیاریان لێده‌كرا قسه‌ی جیاوزیان ده‌كرد و دڵنیایان ده‌دا كه ناكشێنه‌وه.
ده‌شڵێت، ئه‌و هێزه‌ی كه‌ركووكی فرۆشت پێچه‌وانه‌ی پێشبینییه‌كانیان ئێستا خۆیان بێ ده‌سه‌ڵاترینن له شاره‌كه و ئه‌گه‌ر خیانه‌ت نه‌بوایه ، هێزه عێراقییه‌كان رۆژانه له ترسی پێشمه‌رگه ئه‌ركه‌كانیان جێده‌هێشت و ژووری له سێداره‌دانیان بۆ دروستكرابوون.
سه‌رچاوه / كوردستان 24
کۆمێنت (0)
تا ئێستا هیچ کۆمێنتێک نەکراوە.