لیژنە هاوبەشەكان دەست بەسەر بڕێكی زۆر هەنگویندا ده‌گرێت كه‌له پشكنین ده‌رنه‌چووه، به‌بڕیاری قائیمقامی سلێمانی لەناودەبرێت.
ئازاد نەبی، نوێنەری بەڕێوەبەرایەتی تەندروستی سلێمانی لە لیژنە هاوبەشەكان رایگەیاند؛ له‌لایه‌ن به‌ڕیوه‌به‌رایه‌تی ئاسایشی سلێمانی-یه‌وه زانیاریمان له‌سه‌ر بڕێكی زۆر هه‌نگوین به‌ده‌ست گه‌یشتووه، لەكاتی پشكنین لەلایەن لیژنە سێ-ی سەربە لیژنە هاوبەشەكانەوە و بەهۆی هەبوونی گومانی خراپ بوون، دەست بەسەر بڕێكی زۆر هەنگویندا دەگرن.
ووتی: بڕی ئەو هەنگوینەی دەستی بەسەردا گیراوە لە ئێرانەوە هاوردەكراوە كە بڕەكەی 1800 كیلۆگرامه، نمونەی رەوانەی بەڕێوەبەرایەتی خۆپاراستنی سلێمانی كراوە بۆ پشكنین.
وتیشی: ئەنجامی پشكنیه‌كه‌ی بە ( نەشیاو بۆ خواردن و بەكارهێنان ) وەڵام دراوەتەوە.
وتیشی: بەفەرمانی قائیمقامی سلێمانی و لەلایەن لیژنەی تایبەت بەلەناوبردن تەواوی ئەو هەنگوینەی دەستی بەسەردا گیراوە لەناوچەی تانجەرۆی شاری سلێمانی لەناودەبرێت و خاوەنەكەشی روبەروی یاسا دەكرێتەوە.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.