فڕۆكه جه‌نگییه‌كانی سه‌ر به سووپای توركیا هه‌ندێك ناوچه‌یان له دێڕه‌لوكی سه‌ر به شارۆچكه‌ی ئامێدی بۆردومان كرد.
كاتژمێر 9ی شه‌وی رابردوو و به پاساوی بوونی بنكه و باره‌گاكانی په‌كه‌كه، فڕۆكه جه‌نگییه‌كانی سه‌ر به سوپای توركیا زنجیره شاخه‌كانی مه‌تینیان له نزیك گووندی گوهه‌رز و بلاڤه له ناوچه‌ی نهێلی له سنووری ناحیه‌ی دێره‌لووك بۆردومان كرد.
به‌هۆی به‌رزی ده‌نگی بۆردومانه‌كه هاووڵاتیانی گوونده‌كانی گوهه‌رز و به‌رچێ و ناحیه‌ی دێره‌لوك ده‌نگی گرمه‌ی بۆردرمانه‌كه‌یان بیستووه.
له‌مباره‌وه هاووڵاتیانی ناوچه‌كه رایانگه‌یاند: ده‌كرێت هه‌ندێك شوێنی دیكه له چیاكه بۆردومان كرابن به‌ڵام به‌هۆی دووری شوێنه‌كه و ئه‌و شه‌پۆڵی خۆڵبارینه ئه‌و شوێنانه‌ی كه بۆردرمان كراون دیار نین.
تا ئێستاش هیچ زانیارییه‌ك له‌باره‌ی زیانه گیانی و ماددییه‌كانی ئه‌و بۆردومانانه‌ی شه‌وی رابردوو ئاشكرا نه‌كراون.
کۆمێنت (0)
تا ئێستا هیچ کۆمێنتێک نەکراوە.