له‌ڕاگه‌یاندراوێكدا كه‌وێنه‌یه‌ك ده‌ست ماڵپه‌رى كوردستان تیڤى كه‌وتووه ، به‌ڕێوه‌به‌رایه‌تى گشتى كاره‌بای سلێمانى ڕایده‌گه‌ێنێت ، هاوكات له‌گه‌ڵ دابه‌زینى پله‌كانى گه‌رما و زیادبوونى كاتژمێره‌كانى كاره‌باى نیشتمانى، له‌سبه‌ینێ 10/10/2018 گۆڕانكارى له به‌رنامه‌ى كاركردنى موه‌لیده ئه‌هلییه‌كانى ناوشارى سلێمانى ده‌كرێت و كه‌م ده‌كرێته‌وه.
هه‌روه‌ها به‌ڕێوه‌به‌رایه‌تیه‌كه ڕاشیده‌گه‌ێنێت ، به‌پێى به‌رنامه نوێیه‌كه موه‌لیده ئه‌هلییه‌كانى له‌كاتژمێر 8ى به‌یانى تا 12ى نیوه‌ڕۆ كارناكه‌ن و ئه‌گه‌ر كاره‌باى نیشتمانیش بكوژێته‌وه، واتا له كاتژمێر 12 نیوه‌ڕۆ به‌دواوه تا 8ى به‌یانى رۆژى دواتر، له‌ئاماده‌باشى ده‌بن، هه‌ركاتێك كاره‌باى نیشتیمانى كوژایه‌وه ئه‌وان كاره‌با ده‌ده‌ن.
له‌كۆتادا به‌ڕێوه‌به‌رایه‌تی كاره‌بای سلێمانى ڕایده‌گه‌ێنێت ، داواكارین له‌موه‌لیده ئه‌هلییه‌كان له‌سبه‌ینێوه پابه‌ندى به‌رنامه نوێه‌كه ببن و هاوڵاتیانیش دڵنیاده‌كه‌ینه‌وه كه به‌چوار رۆژ، یه‌ك رۆژ له‌كاتژمێر 8ى به‌یانى بۆ 12 ى نیوه‌ڕۆ كاره‌بایان نابێت.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.