له‌ بناری قه‌ره‌چوخ به‌ردی بناغه‌ى لقی 23ى مه‌خموری پارتى دانرا

به‌یانى ئه‌مڕۆ دووشه‌ممه‌  8 ى ئۆكتۆبه‌ری 2018   به‌ئاماده‌بوونى كاكه‌مین نه‌جار  به‌رپرسى ئه‌نجومه‌نى سه‌ركرایه‌تى هه‌ولێری پارتى دیموكراتى كوردستان و  به‌رپرسی لقى 23ى مه‌خمور و كارگێر و ئه‌ندامانی لق ، به‌ردی بناغه‌ى  لقى 23 ى مه‌خموری پارتى دیموكراتى كوردستان له‌بناری چیای قه‌ره‌چووخ دانرا 

له‌ 16 ى ئۆكتۆبه‌ری 2017 ، به‌هاوكاری باڵێكى سه‌ربازی یه‌كێتى نیشتیمانى كوردستان   حكومه‌تى عێراق له‌ڕێگاى هێزه‌ میلیشیاكانیه‌وه‌ هێرشى كرده‌ سه‌ر كه‌ركوك و ده‌وروبه‌ری و مه‌خمور به‌هۆیه‌وه‌ ناوچه‌كه‌ داگیر كرا  و 51% ی خاكی كوردستان له‌ده‌ست درا به‌هۆی ئه‌و هێرشه‌ سه‌ربازییه‌ى كرایه‌ سه‌ر ناوچه‌كه‌ 

لقی 23 ى مه‌خموری پارتى دیموكراتى كوردستان كه‌پێش ڕووداوه‌كانى 16 ى ئۆكتۆبه‌ر باره‌گای له‌ناو مه‌خمور بوو ، به‌و هێرشه‌ سه‌ربازییه‌ى كرایه‌ سه‌ر مه‌خمور باره‌گای لقی پارتى له‌شاره‌كه‌ له‌لایه‌ن حه‌شدو گروپه‌ میلیشیكان ده‌ستى به‌سه‌رداگیرا ، باره‌گای لقی 23ى له‌دوای 16 ى ئۆكتۆبه‌ر له‌شه‌مامك كراوه‌ته‌وه‌ و ئه‌مڕۆش له‌بناری چیای قه‌ره‌چووخ به‌ردی بناغه‌ى نوێی لق دانرا 

شوان عه‌زیز