له دیدارێكی نێوان سه‌رۆك بارزانی و شاندێكی ئه‌مریكا ، بڕێت مه‌كگورگ ، نوێنه‌ری تایبه‌تی سه‌رۆكی ئه‌مه‌ریكا بۆ هاوپه‌یمانێتیی نێوده‌وڵه‌تیی شه‌ڕی دژی داعش پیرۆزبایی سه‌ركه‌وتنی له لیستی پارتی دیموكراتی كوردستانی كرد له هه‌ڵبژاردنی پارله‌مانی كوردستان .
هه‌روه‌ها بڕێت مه‌كگورگ ئه‌و سه‌ركه‌وتنه‌ی پارتی به گرنگ وه‌سف كرد و جه‌ختی له ڕۆڵ و پێگه‌ی پارتی دیموكراتی كوردستان له هه‌رێمی كوردستان و عێراق و ناوچه‌كه كرده‌وه.
ئه‌مڕۆ یه‌كشه‌ممه 7ـی 10ـی 2018 له سه‌لاحه‌ددین سه‌رۆك مه‌سعود بارزانی پێشوازی له بڕێت مه‌كگورگ نوێنه‌ری تایبه‌تی سه‌رۆكی ئه‌مه‌ریكا بۆ هاوپه‌یمانێتیی نێوده‌وڵه‌تیی شه‌ڕی دژی داعش و شاندێكی یاوه‌ری كرد كه پێكهاتبوو له دۆگڵاس سڵیمان باڵیۆزی ئه‌مه‌ریكا له عێراق و ستیڤ فاگین كونسوڵی ئه‌مه‌ریكا له شاری هه‌ولێر.
هه‌ر له‌و دیداره‌دا بارودۆخی سیاسیی عێراق و دوا پێشهاته‌كان و هه‌نگاوه‌كانی پێكهێنانی حكوومه‌تی تازه‌ی عێراق تاوتوێ كران.
کۆمێنت (0)
تا ئێستا هیچ کۆمێنتێک نەکراوە.