بریار هاتیه گرتن كو په‌یكه‌رێ پێشمه‌رگه ل باژێرێ نیۆیۆركێ بهێ دانین، ل دور وێ یه‌كێ بێرنارد هێنری لیڤی فه‌یله‌سوف و زانایێ فه‌رنسی كو هه‌یامه‌ك به‌ریا نها د داخۆیانیه‌كێ ده ژبۆ كوردستان تیڤی راگه‌هاند كو ژبۆ رێزگرتن ل قه‌هره‌مانی یا پێشمه‌رگه و خه‌بات و تێكۆشینا به‌رده‌واما وێ هێزێ ژبۆ ئازادی، په‌یكه‌رێ پێشمه‌رگه ل باژێرێ نیۆیۆرك یان واشنتنا پایته‌ختێ ئه‌مه‌ریكایێ بهێ دانان.
هێنری لێڤی، د كۆنفرانسه‌كه ناڤنه‌ته‌وه‌یی ده ل پاریسێ ل دور پرسا ریفراندۆمێ ژبۆ سه‌رخوه‌بوونا كوردستانێ، داخۆیانیه‌ك پێشكه‌ش كر و جار دن بالكشانده سه‌ر وێ یه‌كێ كو، یه‌ك ژ پرۆژه‌یێن رێكخراوا وان، دانانا په‌یكه‌رێ پێشمه‌رگه‌یه ل یێك ژ مه‌یدانێن باژێرێ نیۆیۆرك، ژبۆ بلند راگرتن و رێزگرتن ل خه‌باتا پێشمه‌رگه كو ژبۆ پاراستنا رۆژئاڤا و ئه‌مه‌ریكا و ئه‌وروپایێ جانێن خوه كرنه قوربانی و شه‌هید بوون. هه‌ر د كۆنفرانسێ ده پرسا سه‌رخوه‌بوونا كوردستانێ و ره‌وشا ده‌ڤه‌رێ تێده هات گۆتوبێژ كرن، هه‌ژماره‌كه زانا و بسپۆرێن شه‌هره‌زا ل سه‌ر كاروبارێن رۆژهه‌لاتا ناڤین ئاماده‌بوون و نه‌رینێن خوه پێشكه‌ش كرن. تۆماس كاپلان یه‌ك ژ سه‌رمایه‌دارێن ئه‌مه‌ریكایێ و سه‌رۆكێ ناڤه‌ندا دادپه‌روه‌ری ژبۆ كورد، یه‌ك ژ دیارترین كه‌سێن وێ كۆنفرانسێ بوو، كو داخواز كر ئه‌مه‌ریكا نابه پشتا كورد به‌رده و سه‌رخوه‌بوونا كوردستانێ د به‌رژه‌وه‌ندی یا ئه‌مه‌ریكایێ ده دبه.
تێزانین پشتی رازیبوونا شاره‌داری یا نیۆیۆركێ كو ب پایته‌ختێ ئابووری یا جیهانێ هاتیه ناسكرن، د رێوره‌سمه‌كه هه‌ژی و شكۆدار ده په‌یكه‌رێ پێشمه‌رگه ب فه‌رمی هات دانان. هێنری لیڤی ده‌رهێنه‌رێ فلیمێ پێشمه‌رگه، كو ئه‌و فلیمه ل بیست و هه‌شتێ نۆڤامبه‌را سالا دووهزار و هه‌ڤدێ ل بنگه‌ها رێكخراوا نه‌ته‌وه‌یێن یه‌كگرتی و ل شه‌شێ مارسا ئیسال ژی د ناڤا كۆنگرێسا ئه‌مه‌ریكایێ هات نه‌مایش كرن.
کۆمێنت (0)
تا ئێستا هیچ کۆمێنتێک نەکراوە.